Goditja e syrit me objekt të fortë siç është topi i tenisit, guri ose grushti mund t’i dëmtojë sytë, kapakët e syve, muskujt e syzve bile edhe eshtrat që e rrethojnë syrin.
Nëse lëndimi i syrit është i lehtë, kapakët e syve mund të ënjten ose të paraqitet nxirje. Nëse syri nuk është lënduar, nxirja kalon pas disa ditëve. Nëse lëndimi është më i rëndë, mund të paraqitet gjakderdhje në brendinë e syrit, si dhe paraqitje të kataraktit traumatik. Në disa raste, mund të ketë edhe rritje të shtypjes në sy (hipertension) dhe të sjellë deri te dëmtimi i shikimit.
Në këtë rast bëhet оperacioni – vitrektomia për ta penguar gjakderdhjen e syrit. Është e rëndësishme operacioni të kryhet sa më shpejtë, në afat prej 24 orëve dhe çdo pritje rezulton me rezultat më të keq pas operimit. Në Sistina Oftalmologjia operacioni bëhet nga ekipi profesional i kirurgëve vitreoretinalë dhe me aparaturë bashkëkohore. Është tërësisht pa dhimbje, bëhet me anestezion lokal dhe zgjat mesatarisht rreth një orë, pastaj pacienti mund të shkojë në shtëpi që ditën e njëjtë. Nëse kjo ndiqet me paraqitjen e kataraktit traumatik i njëjti operohet duke u zëvendësuar thjerrëza natyrore e turbulluar me të re, që pacienti të fitojë shikim të qartë.
Nëse goditja e syrit është mjaft e fortë, mund të sjellë deri te thyerrja e eshtrave që e rrethojnë syrin. Ndonjëherë, muskujt e syve janë ngatëruar në ashtin e thyer dhe duhet të lirohen me operacion.
Simptomat:
- Fotografi e dyfishtë;
- Humbje e shikimit;
- Gjak në sipërfaqen e mollëzës së syrit;
- Pamundësi për lëvizje të syrit;
- Dhimbje të rënda dhe/ose afatgjate të kokës;
- Alivanosje;
- Gjakderdhje nga veshët ose hunda.