Është e dëshirueshme të pini 2 deri në 3 gota ujë. Shmangni lëngjet si çaji, kafeja dhe pijet e tjera me kafeinë. Nëse mbani thjerrëza kontakti, sillni me vete dhe kutinë e thjerrëzave sepse do t’ju duhet t’i hiqni ato.
Gjithashtu, duhet bërë një test alergjie për të kontrolluar se a jeni alergjik ndaj substancës që përdoret në këtë metodë.
Bebëzat ju zgjerohen me pika. Do të uleni përpara aparatit tek elementet mbështetëse të aparatit për të rregulluar kokën.
Ngjyra Fluoreshente injektohet në venë të dorës. Përderisa ngjyra kalon nëpër enët e gjakut të syrit, bëhen fotografi për të vënë re rrjedhjen e gjakut në retinën tuaj.
Fotografitë mund të zbulojnë enët anormale të gjakut ose dëmtimin e mukozave nën retinë.
Imazhet do të merren bardh e zi. Ngjyra do të fluorezohet në enët e gjakut dhe do të incizohet si gri e lehtë ose e bardhë në fotografi. Interpretimi i angiogramit anormal mbështetet në identifikimin e zonave që tregojnë hipofluorescence (errësirë) ose hiperfluorescence (ndriçim).
Procedura zhvillohet për rreth 10 deri në 15 minuta. Gjatë procedurës, është e mundur të ndieni të vjellë të lehtë që kalon shpejt.