Висар Полику има 30 години и живее и работи во Минхен. Поради проблемот со видот, Висар побара решение во нашата клиника и на прегледот се утврди дека е кандидат за вградување на факични леќи.

Факичните леќи се препорачуваат кај лица над 18 години кои имаат висока диоптрија и/или тенка рожница, како и кај лица кои поради други критериуми не се кандидати за ласерската корекција на диоптрија.

„Носам очила од мои 20 години и можам да кажам дека не ги сакав. Ми сметаа при пливање, вежбање, кога ќе излезам со пријателите, некако не се вклопуваа со мене, а се занимавам и со моделство што ми правеше дополнителен проблем. Пробав да носам контактни леќи, ама окото не ми ги прифаќаше. По препорака дојдов во ‘Систина Офталмологија’ кај д-р Билјана Костовска. Диоптријата не ми беше стабилна и мораа одреден период да ме следат. Мојата состојба наложуваше да ми се имплантираат (ICL) фаќични леќи, како метода на корекција на диоптрија. Бев храбар и упорен, се враќав на контроли во Македонија и конечно минатата година дојде време да ја направам операцијата. Голем дел од луѓето ме демотивираа и беа песимисти, ама јас ризикував и вредеше. Моралната поддршка која ја имав од тимот на ‘Систина Офталмологија’ и моето семејство особено ми значеше. Операцијата заврши брзо и кога станав гледав веќе поинаков свет, гледав сѐ наоколу и бев пресреќен. Ова претставува неверојатно искуство за мене, беше апсолутно безболно и одлично функционира.

Како ќе ја опишам болницата? Професионален тим, пријатна атмосфера, позитивно пречекан, мотивиран и морално поддржан од сите. Многу ми е драго што ги запознав скоро сите од тимот и што секое доаѓање на контролни прегледи ми е уживање. едно огромно БЛАГОДАРАМ на овој извонреден тим“ – Висар Полику.

Совет за првичен преглед и/или дијагностика
во случај да имате иста или слична состојба:

Преглед за ласерска корекција на диоптрија

Рефракција, одредување видна острина, мерење очен притисок, преглед на очно дно, анализа на рожница со Пентакам.

4.270,00

Имплантација на Verysize/Veryflex

Факична интраокуларна леќа во предна комора. Цената се однесува на едно око.

92.250,00

Имплантација на ICL

Факична интраокуларна леќа во задна комора. Цената се однесува на едно око.

110.700,00

Офталмологот го задржува правото да предложи друг вид на преглед и/или дијагностика во зависност од утврдената состојба на прегледот.