Кратка биографија
Златко Арнаудовски е роден 1959 година во Скопје, С. Македонија.
Дипломира на Медицинскиот факултет, при Универзитет „Св. Кирил и Методиј“ во 1986 година. Во 1994 година специјализира офталмологија и се здобива со титулата – специјалист oфталмолог. Во меѓувреме, од 1988 година вработен e во Клиниката за очни болести во Скопје, а од 1991 година станува асистент по предметот офталмологија при Медицинскиот факултет.
Од 1998 година, своето знаење и искуство го надополнува како Шеф на кабинетот за болести на предниот сегмент на окото и кератопластика. Во 2007 година е Шеф на операциониот блок на клиника за очни болести, a во 2009 година е именуван за директор на Клиниката за очни болести во Скопје.
Од 2010 година, д-р Златко Арнаудовски се вклучува на тимот на „Систина Офталмологија“ како медицински директор и катарактен хирург.
Членство
- Македонска лекарска комора;
- Асоцијација на офталмолози на Македонија;
- Член на Асоцијацијата на хирурзи за катаракта на Хрватска и Србија;
- Европско здружение за катарактна и рефрактивна хирургија;
- Здружение на источнa Европа за катаракта и рефрактивна хирургија и
- Европско здружение на офталмолози.
Дополнителни едукации
Посетува многубројни едукации како во земјата така и во странство. Некои од нив се:
- Стручно усовршување за хируршко решавање на заболувања на солзниот апарат и дакриоцисториностомија, Белград
- 1995 година – Воведување на методот на дакриоцисториностомија на Клиниката за очни болести, Скопје
- 2003 година – Стручно усовршување за хирургија на катаракта со метод на факоемулзификација Љубљана
- 2004 година – Меѓународен сертификат за самостојно изведување операција на катаракт со метод на факоемулзификација и воведување на методот на Клиниката за очни болести, Скопје
- 2005 година – Курс за ултразвучна дијагностика
- Стручни престои на клиниките за очни болести во Белград, Љубљана, Милано, Будимпешта, Софија, Лисабон, Барселона, Варна, Венеција, Загреб и др.
Публикации и истражувања
Автор и коавтор е на над 50 научни трудови. Дел е од стручна редакција на книгите:
- „Основи на Офталмологија“ од д-р Синтија А. Бредфорд и
- „Клинички постапки при очен преглед“ од Ненси Б. Карлсон и Даниел Курт.
Учество на конфереции
Зема активно учество на национални и меѓународни конференции. Некои од нив се:
- XXXIV Конгрес на Европско здружение за рефрактивни и катарактни хирурзи, Копенхаген 2016 година
- Факоемулзификација: како да ја изберете вистинската интраокуларна леќа и зошто?
- XXXV Конгрес на Европско здружение за рефрактивни и катарактни хирурзи, Лисабон 2017 година
- Третман на конгенитална катаракта и резултати
- Југоисточен Европски Офталмолошки Конгрес, Приштина 2019 година
- Хируршки третман на катаракта со мултифокални леќи
- VII Конгрес на педијатри со меѓународно учество 2019 година
- Вродена катарактa
