Маските и шминката се дел од создавање на одличен костим за први Април. Сепак, одредени видови на шминка за очи, боја за лице, па дури и контактни леќи, за лик во којшто сакате да се преправите, може да ги иритираат вашите очи.
Контактни леќи без рецепт
Контактните леќи без рецепт се најпродаваниот предмет за први Април. Но, треба да бидете многу внимателни со овие контакни леќи. Козметичките контактни леќи ќе го направат вашиот костим да се истакне, но мора да бидете внимателни за материјалот од кој се направени. Покрај тоа, луѓето кои не се навикнати да носат контактни леќи имаат потенцијал да предизвикаат оштетување на нивните очи бидејќи не се свесни за потребната соодветна хигиена и не знаат како правилно да ги стават или извадат контактните леќи. Доколку сепак се одлучите за контакни леќи како дел од маската, ако почувствувате заматен вид, црвенило или непријатност, извадете ги леќите и контактирајте го вашиот очен лекар.
Шминка за лице за први Април
Шминката е уште еден популарен елемент за одличен костим за први Април. Кога бирате производи за шминка за вашето лице или околу очите, погрижете се шминката да биде хипоалергична и наменета за вашето лице. Не купувајте било кој производ што може да се користи и на вашата коса или нокти, бидејќи тоа може да предизвика иритација на очите. Кога се шминкате, погрижете се да оставите простор околу очите. Секоја шминка што го покрива вашиот очен капак треба да биде направена специјално за овој дел од лицето. На крајот на ноќта, важно е целосно да ја отстраните шминката и темелно да го измиете лицето. Доколку ви влезе шминка во очите при миењето, исплакнете ја со ладна вода. Ако се појави црвенило или иритација на или околу очите, контактирајте го вашиот офталмолог.
Додатоци за костими
Многу популарни костими за деца доаѓаат со додатоци како што се мечеви, пиштоли и прачки. Иако тие создаваат одлични костими, важно е да се внимава со овие предмети, бидејќи тие потенцијално може да резултираат со тоа што некој ќе го повреди окото.
Доколку ви се случи инфекција или повреда на око, веднаш закажете онлајн консултација или преглед за да се консултирате со вашиот офталмолог.
