Медицински директор
Специјалист офталмолог и хирург
Информации за тековно работење во услови на Ковид - 19
ПовеќеСпецијалист офталмолог и хирург
Област од посебен интерес:
„Комуникацијата меѓу пациентот и докторот е комуникација меѓу пријатели”
Офталмологијата, за мене е најубавата гранка во медицината и е исклучително благородна професија. Специјалноста е интердисциплинарна и е поврзана со сите други специјалности. Користиме најсофистицирана и технолошки напредна апаратура за дијагностика и интервенции. Делот од хирургијата ги содржи најелегантните, најпрецизните и најлогичните операции во медицината, воопшто. Немерливо е чувството да му го вратите видот на пациентот.
Ова прашање веројатно најдобро ќе го одговорат моите пациенти. Јас пак, можам да кажам дека имам долгогодишно искуство, посветен сум и си ја сакам професијата. Веројатно, сето тоа, им влева доверба на пациентите.
Се обидувам на секој пациент да му се посветам целосно, да го сослушам внимателно и да му предложам третман кој одговара на неговите животни потреби, на начин кој е разбирлив за него. Со многу позитивна енергија, во комуникацијата, недоумиците и стравовите на пациентите, пред и по операцијата, се надминуваат. Важно е нивната состојба целосно да се следи и докторот секогаш да им е ставен на располагање.
Едноставно треба да ја сака својата професија и со љубов да им се посвети на пациентите. Во пациентот, освен пациент, докторот треба да гледа човек. Комуникацијата меѓу нив, треба да биде комуникација меѓу пријатели.
Во слободното време уживам со семејството, се дружам со другарите, многу сакам да читам добри книги, да слушам музика, да гледам филмови (во последно време серии). Во овој дел од денот е неизбежниот точак, долгото пешачење и моето хоби фотографијата.
Најчесто и најмногу сакам да слушам џез од педесетите и шеесетите години. Мајлс Дејвис ми е мелем за душа…
„Диво месо“ од Горан треба сите да си го препрочитаме. Сите книги од Орхан Памук и од Салман Ружди. „Разговори со Конески“ од Цане Андреевски е одлична книга.
Во Охрид, со кајче на езеро, над Канео на зајдисонце, божествена убавина…
Дека сум многу голем поборник за идејата за озаконување на попладневната дремка, како институција.
Да бев талентиран секако ќе бев музичар.