Është e nevojshme të bëhet kontroll për korrigjim të dioptrisë me laser e cila zgjat rreth dy orë, për arsye të të gjitha hulumtimeve që bëhen që saktësisht të përcaktohet se  a jeni ju kandidat për këtë ndërhyrje ose për ndonjë metodë tjetër për korrigjimin e dioptrisë që është më e përshtatshme për ju. Të manifestohet cilindri i  vërtetë ose forma e kornesë pa tensionin e thjerrëzave. Nëse mbani thjerrëza të buta kontakti, duhet të pushoni prej tyre minimum 3 ditë para kontrollit, ndërsa nga hjerrëzat gjysmë të forta ose të forta vetëm  7 ditë minimum para kontrollo]it. Ndërkohë, syzet mund të mbahen.

Përgatitja para operacionit zgjat rreth 20 minuta. Gjatë kësaj periudhe kryhet një rishqyrtim i gjendjes së shikimit dhe syrit të pacientit. Oftalmologu shpjegon përsëri hapat e ndërhyrjes. Vetë ndërhyrja zgjat vetëm 5 minuta për sy. Është krejtësisht pa dhimbje – vendoset anestezi lokale në formë të pikave dhe pacienti nuk ndjen dhimbje. Ju jeni të zgjuar dhe flisni me oftalmologun dhe ndiqni udhëzimet e tij. Procedura është plotësisht e sigurt dhe ju shkoni në shtëpi që të njëjtën ditë.

.

Periudha e përshtatjes ose kujdesit postoperativ të korrigjimit të dioptrisë me laser është 3 deri në 7 ditë. Ditën tjetër bëhet kontrolli i parë i detyrueshëm, dhe kontrolli tjetër është pas disa ditësh bazuar në vlerësimin e oftalmologut tuaj. Këto ekzaminime shërbejnë për të monitoruar stabilizimin (përshtatjen) e shikimit tuaj dhe shërimin e flapit të kornesë. Kufizimet pas ndërhyrjes janë të përkohshme dhe nuk zgjasin shumë dhe gjithmonë përputhen me rekomandimin e oftalmologut. Profesioni dhe mënyra e jetesës së pacientit janë shumë të rëndësishme. Personeli mjekësor është 24/7 në dispozicion për çdo konsultim të nevojshëm pas ndërhyrjes.