Потребно е да се направи преглед за ласерска корекција на диоптрија кој трае околу два часа на кој се проверува дали сте вие кандидат или пак друга метода за корекција на диоптрија е поосодветна за вас. Пред самиот преглед, многу е важно да мирувате од носење на контакни леќи извесен период за да „се одмори“ рожницата на окото од леќите. Доколку носите меки контактни леќи, потребно е да се мирува од нив мин. 3 дена пред прегледот, додека полутврди или тврди контактни леќи тогаш мин. 7 дена пред прегледот. Во меѓувреме може да се носат очила.

Предоперативната подготовка трае околу 20 минути. Во овој период се прави повторна проверка на состојбата на видот и окото. Офталмологот повторно ги објаснува чекорите на интервенцијата. Самата интервенција трае само 5 минути од око. Таа е комплетно безболна – се става локална анестезија во вид на капки и пациентот не чувствува болка. Вие сте будни и разговарате со офталмологот и ги следите неговите насоки. Постапката е комплетно безбедна и си одите дома уште истиот ден.

Периодот на адаптација односно постоперативна нега на ласерска корекција на диоптрија е од 3 до 7 дена. Следниот ден е прва задолжителна контрола, а  следна контрола е после неколку дена врз основа на проценката на вашиот офталмолог. Овие прегледи служат за да се следи стабилизрањето (адаптирање) на вашиот вид и зараснувањето на флапот на рожницата. Ограничувањата по интервенцијата се привремени и не траат долго и секогаш се согласно препорака на офталмологот. Многу се важни вашата професијата и стил на живеење.  Медицинскиот персонал е достaпен 24/7 за било каква консултација која е потребна по интервенцијата.