Patient Experience

Уште еднаш докажавме дека знаењето е моќ и вистинска инвестиција за развој. Нашиот извршен директор д-р Весна Чадо беше поканета да зборува како DBA алумна на првиот webinar за докторски студии на универзитетот во Монако, каде студиите ги завршија повеќе од 80 докторанти.

Таа ги пренесе своите лични искуства, но пред се бенефитите од овој програм во успешното менаџирање и развојот на нашата болница. Д-р Чадо посебно го издвои периодот од почетокот на Covid-19 кризата во Март 2020 година, кога беше потребно стручно знаење, искуство, брзина и ефикасност за да се успее. Имено тимската работа и навременото реструктурирање на работењето на болницата согласно последните академски истражувања и светски здравствени и менаџерски практики, овозможи Систина Офталмологија да продолжи да работи и да даде медицинска грижа на сите на кои им е потребна. Зголемениот број на пациенти и интервенции оваа година се должи, меѓу другото и на одговорноста, правовременоста и сериозноста со која тимот на болницата одговори за време на најголемата криза за да ги заштити пациентите, своите вработени и пошироката заедница. На Webinar-от зборуваше и директорот на DBA програмот проф. Мариатереза Торкиа, која е истовремено и директор на истражувачкиот центар на реномираниот Универзитет во Монако.

д-р Весна Чадо

Септември 28, 2020

На почетокот на кризата предизвикана од вирусот КОВИД – 19, во февруари 2020 година, повеќето здравствени институции во Македнија,   соочени со новата реалност,  ги затворија вратите за пациентите и ги одложија активностите за после пандемијата.   Менаџментот на Систина Офталмологија, во согласност со препораките на релевантните институции,  одлучи да постапи поинаку.    Имплементиравме стратегија, фокусирана на човечки искуства и на тој начин ги пресретнавме промените,  наместо да реагираме на нив.  На сите пациенти, кои имаа потреба од грижа за   очите,  им излеговме во пресрет, интегрирајќи ги дигиталните, матерјалните  и човечките ресурси.  Така,  успеавме да го задржиме и зацврснеме сопствениот кредибилитет и одговорност,  и како резултат на тоа,  да создаваме позитивни искуства кај нашите пациенти,  вработени и поширока општествена заедница.

Спроведовме стратегија , преку реализација на четири проекти, кои се однесуваа на  различни аспекти на човечките искуства.

1. Подготвени сме ! – Мото под кое,  спроведовме организациски и технички промени.  Воведовме, специјални безбедоносни протоколи, за сите медицински процедури, кои истовремено се однесуваа и на пациентите и на вработените.

2. Останете со нас, безбедно е! – За комуникација со пациентите направивме специјално дизајниран дел на веб страницата,  на кој ги објавувавме важни информации за КОВИД – 19.  Пациентите,  добиваа бесплатни стручни услуги од докторите, преку новоотворената линија за итни случаи  и онлајн групни консултации за одредени видови проблеми со очите и третмани.

3. Ние можеме! – На вработените во болницата,  им изразувавме  лична и корпоративна благодарност,  како и  друг вид на поддршка. Овој проект, со посебен дел, се однесуваше на начините, како вработените да се грижат за себе и да бидат внимателни во услови на криза.

4. Ние споделуваме! – Покажавме солидарност со социјално ранливиот дел од општествената заедница, преку донација на храна и облека.

Реализацијата на проектите придонесе  за градење на организациска култура, базирана на брзи, заеднички и правилни реакции.  Иако исплашени, од непредвидливиот тек на пандемијата, вработените се чувствуваа безбедни, силни и горди. Тие беа дел  од здравствен систем, кој управуваше со кризата и придонесуваше за градење на позитивни човечки искуства.  Организациските промени,  строгите и итно спроведените безбедоносни протоколи, придонесоа вработените да чувствуваат дека се заштитени.

Прилагодливиот и иновативен пристап на Систина Офтамологија, со фокус на човечки исксутва , имплементиран во првите месеци од пандемијата,  покажа дека позитивни искуства кај луѓето, може да се создаваат и во време на непредвидливи кризи.  Тоа се покажа и како добар начин, за обезбедување на одржлив економски развој на здравствените институции и на заедницата во целина. Систина Офталмологија, го задржа бројот на дневни операции и им излезе во пресрет на сите пациенти на кои им беше потребна грижа за очите, во согласност со највисоки безбедоносни стандарди.

Препораки за понатаму   :

Искуствата на  Систина Офталмологија,  во текот на кризата,  јасно укажуваат,  на неколку сегменти на кои болниците во иднина ќе мора да посветат повеќе внимание, ако сакаат да ја имаат довербата на пациентите.  Идните политики на болниците, треба да се фокусираат,  на човечките искуства и тоа во неколку насоки.

1. Ре–дизајнирање на болничкото опкружување –  Пример: Просторите во здравствените институции,  треба да бидат организирани во согласност  со најновите безбедоносни протоколи.  Тоа подразбира, да се обезбедат заштитни прегради, дополнителни филтри за прочистување на просторот и сл.

2. Фокусирање на емоционалната и на социјалната благостојба на медицинскиот персонал –  Пример : Активности кои на медицинскиот персонал,  ќе му овозможат  да знае како да го намали нивото на психолошки стрес,  и да ја зголеми сопствената ментална и физичка благостојба.  Се работи за програми ,  во кои се вклучени социјални работници,  нитуриционисти и други,  кои може да им обезбедат персонализирани услуги на вработените.

3. Дигитализација на комуникациите – Новите трендови,  вклучуваат аспекти  кои се однесуваат на (1) користење на мобилни уреди и апликации за полесно следење на здравствената состојба,  (2)  развојот на технологии за евидентирање на податоци за пациентите,  и (3)  технологии за анализирање на бази на податоци.  Користењето на иновативниот дигитален пристап,  преку онлајн мониторирање на здравствената состојба на пациентите, ќе ја зголеми прецизноста на медицинските резултати,  ќе овозможи навремено реагирање и поголема мобилност на пациентите.

4. Инвестиција во знаење –  Периодот,  кој следува по пандемијата,  како неопходност наметнува интегрирано следење и имплементирање на новите академски истражувања и медицински  практики.  Промената на курсот, во правец на дигитализација на услугите и комуникацијата, ќе донесе дополнителен предизвик за сите кои што се вклучени во здравствената грижа. Затоа е потребна интензивна и континуирана едукација, базирана на академско знаење и на позитивни медицински практики.

Во 2015-та година, преку партнерството со најголемата универзитетска клиника „Свјетлост“, Загреб, технолошки го надградува и зголемува обемот на своето работење преку отворање на Одделот за рефрактивна хирургија со што овозможи решавање на сите проблеми со видот и кај оние пациенти кои сакаат повисок стандард, квалитет и комфор во своите животни навики.

Johnson & Johnson Vision, водечка светска компанија за офталмологија, и додели престижен статус на Клиниката Свјетлост – Центар за образование од областа на офталмологијата, со посебен акцент на рефрактивната хирургија, врвните интраокуларни леќи и најсовремените уреди во светската офталмологија.

Им честитаме за престижниот статус на Клиниката Свјетлост и им посакуваме голем успех во понатамошната работа.

Горди сме да објавиме што научниот труд кој го создадоа нашиот офталмолог и кандидат за докторат д-р Фанка Гилевска и нејзините колеги од нашата партнерска клиника „Свјетлост“ беше објавен во  Grefe`s Archives of Clinical and Experimental Ophthalmology Journal.

Прашањето на кое одговоривме е: Дали промените во видната острина добиени по крослинкинг метода кај кератоконусот може да се предвидат.

Прочитајте повеќе на линкот: https://link.springer.com/article/10.1007/s00417-021-05173-5 

На покана на Алкалоид, нашиот медицински директор д-р Златко Арнаудовски зборуваше за врската меѓу “ДХА и развој на видот кај деца” на online предавањето кое се одржа на 30.03.2021 година.

Првиот офталмолошки преглед се препорачува да се направи на возраст од 3 години дури и детенцето да не јави симптоми дека има проблем со видот. Во случај да се јават симптоми и пред таа возраст, може да се донесе детето на преглед. Навременото откривање и следење на состојбата на видот се исто така многу важни за правилен развој на видот кај детето.

Д-р Златко Арнаудовски ја отвори својата презентација со објаснување за развојот на видот кај новороденчињата кој во најголем дел се развива после раѓање особено по првите неколку години од животот. При раѓањето, структурите од системот за вид се потполно присутни, но не се созреани. Вообичаено, новороденчињата се хиперметропи. Додека астигматизам (цилиндер) се забележува кај 71% од новородените деца. Постепеното намалување на хиперметропијата се случува до возраст од 7 години, а потоа се појавува миопично поместување во текот на целото детство.

Во однос на поврзаноста на омега-3 масни киселини односно ДХА и развој на видот кај децата, докажано е дека е есенцијален нутритиент во ретината за правилен развој на видот кај дечињата. Периферниот дел на ретината се развива побрзо од фовеалниот дел. На возраст од 1 месец после раѓање се појавуваат конусните клетки, додека веќе на возраст од 8 месеци после раѓање, макулата (центарот за јасен вид) е зрела. Со помош на суплемент ДХА се овозможува побрз и правилен развој на видот кај дечињата. Секако омега-3 масните киселини се значајни за целовкупниот правилен развој и раст на детенцето.

Веќе на возраст од 2 до 5 години, детенцето како што се развива ќе прави фино подесување на способностите придобиени во новороденечкиот период и ќе развива нови. Д-р Златко Арнаудовски потенцираше дека во овој период особено треба да се внимаваа на можно присуство на проблеми со видот како што се страбизам (различна положба на очињата кај децата) или појава на амблиопно (мрзливо око). Овие проблеми често се јавуваат на таа возраст.

Дополнително, треба секогаш да се внимаваа на забавен развој кај детенцето, коешто може да е сигнал за проблеми со видот. Исто така, проблеми со препознавање на бои, форми, бувки и броеви може да се појават доколку детенцето има проблеми со видот.

Школски деца на возраст од 6 до 18 години треба да ги имаат развиено видните фукции како видна острина (способност да гледа јасно во далечина и близу при читање на книга); да може брзо да го фокусира видот и да го задржи при прромена на оддалеченост на предметите; како и следење на очите односно способност да се задржат очите на одредена цел како на пример следење на предмет кој се движи како фрлено топче.

Предавачи на настанот беа д-р Анета Демерџиева и д-р Наталија Ангелкова специјалисти педијатри од Аџибадем Систина, Силвана Филипова, логопед од Завод за рехабилитација на слух, говор и глас – Скопје, а присутни беа и еминентни педијатри од нашата земја.

Совет за првичен преглед и/или дијагностика во случај да имате иста или слична состојба:

Офталмологот го задржува правото да предложи друг вид на преглед и/или дијагностика во зависност од утврдената состојба на прегледот.