аааа

Зошто не треба да спиете со контактни леќи?

Контактните леќи се феноменален изум за лица кои не сакаат да носат или пак не може да се навикнат на очила. Тие се дизајнирани да ви овозможат пријатно и лесно извршување на секојдневните обврски. Меките контактни леќи најчесто се направени од хидрофилна пластика – специјален вид на пластика која останува мека и влажна се додека впива вода. Ако носите меки контактни леќи најверојатно сте забележале кога ќе се исушат стануваат цврсти и создаваат чувство на страно тело во окото.

Правилно носење на контактни леќи, според препораките од офталмолог, се комбинирано носење на очила и леќи, при што леќите да се извадат по најмногу 8 часа носење. Тоа е така бидејќи солзниот филм го влажни окото и ја храни рожницата со кислород. Со трепкање се лачат солзи, а кога окото е отворено доаѓа во контакт и со кислородот од воздухот. Кога спиеме, нема размена на солзи (затоа што не трепкаме), но исто така окото е затворено и размената на солзите е намалена. Спиењето со леќи, дополнително ја покрива рожницата и нема доволно кислород. Воедно, нема размена на солзи и страда од недостаток на кислород (хипоксија) и сувост.

Поради тоа може да настанат неколку состојби:

  • Корнеална неоваскуларизација – е состојба при која мали крвни садови растат во рожницата за да овозможат проток на кислород, а на тој начин се намалува проѕирноста на рожницата во таа зона.  Оваа состојба се третира со кортикостероиди кои не смеат да се користат предолго поради нивните контраиндикации.
  • Ерозии на рожницата – контактната леќа може да се зацврсти додека се наоѓа на вашето око кое може да доведе до создавање на мали ранички на рожницата. Оваа состојба се третира со антибиотик, забрана за носење на леќа и вештачки солзи кои поттикнуваат епителизација (зараснување).
  • Инфекција на очите – спиењето со контактни леќи го зголемува ризикот од очна инфекција за 6 до 8 пати. Инфекциите се решаваат со терапија, но може да остават трајни последици на вашиот вид. Ако имате инфекција а сте носеле контактни леќи, не смеете повторно да ги носите бидејќи се инфицирани. Ифицирана контактна леќа е најголема опасност од сите инфекции на очите.
  • Црвенило на очите, иритација, преосетливост,  болка како и зголемена чувствителност на светлина.

Исто така, може да настане промена во структурата на рожницата што може да резултира со изместени вредности за вашата точна диоптрија и појава на цилиндер.  Поради тоа, пред прегледот за ласерска корекција на диоптрија се препорачува да не се носат контакните леќи, од 3 до 7 дена, во зависност од нивната тврдина.

Многу е важно никогаш да не спиете со контактните леќи независно дали се меки или тврди. Постојат нови видови на контактни леќи кои се специјално дизајнирани за да може да се носат при спиење или за продолжена употреба – но пред да си земете сами на своја рака, консултирајте се со вашиот офталмолог дали тие леќи се добро решение за вас и вашата рожница.

Совет за добра грижа на вашите очи ако носите контактни леќи:

  • Избегнувајте да ги носите повеќе од 8 часа во текот на денот;
  • Избегнувајте да преспивате со нив;
  • Избегнувајте пливање или гнурење со контактните леќи;
  • Употреба на контактните леќи со неизмиени раце;
  • Чистење на контактни леќи со вода од чешма;
  • Повторна употреба на веќе искористената течност за леќи.

Автор: Д-р Фанка Гилевска, спец. офталмолог

Борче Симјановски (операција на страбизам)

Борјче Симјановски и д-р Викторија Филева Фотевска

Симјановски Борче (53 години) направи операција на страбизам во нашата клиника. Страбизмот го има од дете, но сега почнува да му прави проблем со видот поради што се одлучува за операција.

Операцијата на страбизам се прави и кај деца и кај возрасни. Секој страбизам е уникатен и поради тоа се препорачува преглед кај специјалист офталмолог за страбизам кој ќе даде подетални информации за состојбата и резултатот од операцијата.

„Презадоволен сум, целиот квалитет на живот ми се смени. Пред операцијата боите на предметите не беа толку силни, а сега ги гледам јасно и со сета нивна сила. Комуникацијата со луѓето, кога разговарав порано ако не стоев близу до нив не можев убаво да ги гледам. Осoбено сум задоволен за возењето автомобил – порано тоа за мене беше огромен напор, а сега навистина уживам. Мора да ја пофалам д-р Филева и целиот тим за  професионалност, брзина и вештина. Како што ми кажаа така се одвиваше целата процедура, а резултатот е одличен.  Јас ги доверив моите очи на најдобриот тим!“

IV Симпозиум „Новитети во офталмологијата“

Одржан четвртиот регионален симпозиум на офталмолози организиран од „Систина Офталмологија“, дел од групацијата „Свјетлост“- Загреб.

„Систина Офталмологија“, дел од групацијата „Свјетлост“- Загреб, и оваа година традиционално по IV-ти пат го организира регионалниот симпозиум „Новитети во офталмологијата“. Основната цел е размена на најдобрите практики од офталмологијата  меѓу професионалците во оваа област.

На 02.11.2019 (сабота), во присуство на  300 гости од Македонија, Хрватска, Србија и Косово каде освен офталмолози, присуствуваа и доктори по општа медицина, ендокринолози, и специјализанти од Медицински факултет, се одржа IV -от регионален симпозиум „Новитети во офталмологијата“ во организација на „Систина Офталмологија“ дел од Групација “Свјетлост”.

Опфатени беа различни теми од офталмолошката пракса, пред се овозможувајќи едукација и размена на искуства меѓу медицинските лица од Македонија и регионот. Предавачи на овој единствен од овој вид и размер симпозиум од оваа област, беа проф. д-р Никица Габриќ (Свјетлост), д-р Златко Арнаудовски, д-р Билјана Костовска, д-р Илир Османи, д-р Фанка Гилевска (Систина Офталмологија) и aсс. д-р Христијан Дума (ЈЗУ Универзитетска клиника за очни болести-Скопје) и доц. д-р Страхил Газепов (Клиничка болница – Штип).

Новитет оваа година беа и излагањата на помладите колеги доктори, како дел од програмата за обука и едукација на млади кадри – специјализанти  на „Систина Офталмологија“ и Универзитетската очна клиника„Свјетлост“. 

„Симпозиумот претставува одлична можност за споделување на најновите трендови во работењето кои се применуваат во „Систина Офталмологија“ и Универзитетската очна клиника „Свјетлост“,  вклучувајќи и успешни резултати од примена на  нови методи за третман на очни болести. Оваа година за првпат споделија искуства и младите доктори специјализанти кои се дел од програмата за развој на млади професионалци на „Систина Офталмологија“ и Универзитетската очна клиника „Свјетлост“. Искуства беа пренесени и од државното здравство што претставува одличен спој на знаења, а ваквиот начин на работа само ја потврдува одличната соработка меѓу професионалците во офталмологијата, а се во улога на најдобрата можна дијагностика, избор на метода  и соодветен третман на пациентите“ – изјави д-р Златко Арнаудовски медицински директор на „Систина Офталмологија“.

Димитар Радически (ласерска корекција на диоптрија)

Димитар Радически и д-р Фанка Гилевска

Димитар Радически (25 години) 2 години размислувал за ласерска корекција на диоптрија и конечно, во јули оваа година, ја направи. Сега се чувствува како нов човек. Баш ни е драго 🙂

„Мојот очен проблем односно диоптрија се појави на моја 15 годишна возраст, во средно образование. Носев очила, но не ги носев постојано. Исто така пробав и контактни леќи, но не успеав да се навикнам и да ги носам, па така со тек на време мојата диоптрија брзо се зголемуваше. Многу пати ми се случуваше кога не носев очила да не ги забележувам луѓето околу мене и да ги одминувам, затоа што нивните лица ми беа нејасни, а не можев ниту пак да се замислам да возам кола без очила. За ласерска корекција размислував скоро 2 години, но по препорака на пријател кој исто така направи ласерска корекција во „Систина Офталмологија“, се решив да направам и јас. Операцијата траеше вкупно 10 минути за двете очи. Не чувствував страв затоа што знаев дека сум во сигурни раце на д-р Фани Гилевска и останатиот стручен и профеисонален тим. Откако заврши интервенцијата се вратив дома и одмарав. Утредента, по пат накај „Систина Офталмологија“ ги гледав и прочитав сите билборди на улиците, сите таблички на колите, што претходно и со очила не сум можел да ги прочитам, а кога дојдов на преглед ги погодив сите букви, вклучувајки ги и најмалите букви. Со новиот вид се чувствувам како нов човек! Можам да спортувам, а да не носам очила; можам да возам и да не носам очила и главоболките се веќе минато. Морам да го пофалам целиот тим на „Систина Офталмологија“  и најдобрата докторка д-р Фани Гилевска. Тоа е еден стручен, прекрасен, и гостопримлив тим, кои што секогаш се грижат за пациентите и се достапни за вас 24/7. Ви благодарам од сѐ срце.“

Сузана Николовска (видео – имплантација на мултифокални леќи)

Сузана Николовска (54 години) вгради мултиофкални леќи за да се ослободи од диоптријата за блиску и далеку. Дојде во нашата клиника по препорака од нејзина пријателка и по прегледот кај д-р Илир Османи , веднаш се одлучи за интервенција.

Со мултифокалните леќи се добива вид на сите растојанија – блиску, средина и далеку така што повеќе нема да ви бидат потребни два пара очила.

„Се одлучив за мултифокални леќи поради неколку причини и сега сум презадоволна. Обожавам да возам точак и многу ми е тешко да возам со очила; ако носам контактни леќи морав да ставам очила за да читам. Значи цело време се што работев ми зависеше од едни очила, други очила или од контактни леќи. Сакам и природа и кога шетам, не гледам убаво со очилата. Боите не ги гледав какви што се, како што ги гледам сега, по интевренцијата. Јасно, природно, живи бои, контрасти, со сите убавини што може да се видат. “ дополнува Сузана.

Ванчо Михов (операција на катаракта и замена на леќа)

sistina-oftalmologija-operacija-katarakta-biljana-kostovska
Д-р Билјана Костовска и Ванчо Михов

Ванчо Михов (67 години) дојде во нашата клиника на преглед бидејќи не бил задоволен од видот на десното око на кое веќе имал операција. Во меѓувреме, на левото око се развива катаракта која полека созрева и го намалува видот. Д-р Билјана Костовска ги  оперираше двете очи во истиот ден така што на десното око направи замена на леќа со нова, која според испитувањата е посоодветна за Ванчо, а на левото око ја отстрани катарактата.

„Во 2015 година, бев на операција за отстранување на катарактата на десното око. И по операцијата, видот ми беше заматен, гледав сенки и ми се намали и тоа на двете очи. Како дедо на четири внучиња, не можев да ги извршувам како што сакам секојдневните активности. Па поради тоа, знаев дека морам да одам на очен преглед. Се распрашав каде да одам и каде е најдобро, и мојот син и ќерка ми ја предложија ‘Систина Офталмологија’. Додека размислував каде да одам, на емисија на ТВ ја видов д-р Билјана Костовска, која многу убаво ја објасни проблематиката со старечкото перде, како се одвива самата операција и дека уште истиот ден си одам дома. Закажав преглед и заедно со сопругата дојдовме при крајот на работното време. Односот на докторката беше навистина фантастичен и ми рече дека морам двете очи да ги оперирам – десното око кое беше претходно оперирано, да се направи корекција така што ќе ми стават нова леќа, додека левото око секако морав да го оперирам бидејќи катарактата ми била презреана. Бидејќи веќе бев во болницата решив уште истиот ден да се оперирам. Ме подготвија медицинските сестри за операција и за отприлика неполн час завршивме и си отидов дома. По операцијата, само требаше да користам капки и да правам редовни контроли кај докторката која редовно ја следи мојата состојба. Не се опишува колку сум задоволен и благодарен од целиот тим на ‘Систина Офталмологија’ за  позитивна енергија која ја шират и односот на докторката со хуманост и грижа кон мене. Сега гледам подобро благодарение на вас. Можам да се вратам на секојдневните активности и да им помагам на внучињата при нивната игра и едукација, а дополнително и во домашните обврски и на мојата прекрасна сопруга со која сум веќе 40 години во брак.“

Тест: Дали постои веројатност да сте кандидат за ласерска корекција на диоптрија?

Ласерската корекција на диоптрија се смета за најмодерна и најпопуларна интервенција за корекција на диоптрија. Таа трае само 10 минути односно 5 минути од око. По интервенција веднаш се оди дома само со очила за сонце. Целосно безбедна и безболна метода со која по 3 дена се враќате на секојдневните обврски.

Често нашите пациенти прашуваат дали се кандидати за оваа интервенција според нивната диоптрија и возраст. Поради тоа и го направивме овој тест, за да проверите дали според тоа што вие го знаете за вашата состојба, постои веројатност да сте потенцијален кандидат за ласерската корекција на диоптрија.

Сепак мора да ви напоменеме дека само на прегледот за ласерска корекција на диоптрија може реално да се утврди дали сте кандидат за оваа интервенција. Прегледот трае час до час и половина и освен диоптрија и возраст, се земаат предвид и други параметри на прегледот кои се прават со специјализирана апаратура (на пр. дебелина на рожница, стабилност на диоптрија, здраво око, кератконус итн.).

Рефик Саити (сериозна повреда на око)

Д-р Илир Османи и Рефик Саити

Рефик Саити (42 год.), јануари оваа година, во приквечерните часови ургенто го донесоа во нашата клиника со сериозна повреда на левото око. Се стравуваше дали воопшто ќе можеше да се зачува окото како орган, а потоа и неговиот вид. Д-р Илир Османи и медицинскиот персонал  веднаш реагираа и ги превзедоа сите можни мерки за спасување на окото и видот. На Рефик му беа направени две операции.

„Минатата година имав тешка повреда на левото око поради која имав две операции на окото. Се повредив со дрво и целото око ми беше рани и отидов во најблиската болница во Тетово. Откако ме прегледаа, поради мојата состојба, со возило од прва помош ме донесоа во „Систина Офталмологија“. Само што стасав, ме прими д-р Илир Османи и според она што го виде ми кажа дека повредата е многу сериозна и дека ќе се обидат да го спасат окото. За видот дури не ми беше важно толку колку што сакав само да ми го спасат окото. Таа ноќ лежев во болница и утредента наутро, за време на визита, кога ги видов лицата на докторот и медицинскиот персонал знаев дека се поминало добро.  Окото ми беше спасено и бев многу среќен. По две недели имав втора операција која траеше 4 часа. По операцијата се чувствував многу добро, немав никаков проблем и благодарение на одличната работа на докторот, не само што ми го спаси окото, јас можам и да гледам!  За докторот немам зборови. Уште на првиот преглед стекнав  доверба и иако живеам во Хрватска, сите контроли се уште ги правам во „Систина Офталмологија“ Тетово и Скопје. Премногу сум задоволен од целиот медицински персонал. Ви благодарам!“

Павица Богданов (вградување на мултифокални леќи)

Павица Богданов има 84 години и  е доктор по интерна медицина. Кога прв пат забележува проблем со видот, таа почнува да бара клиника и доктор на кој може да му верува, кој ќе и овозможи вид на сите растојанија без да има потреба да носи очила.

„Единствени очила кои ги имам носено во животот се само очила за читање. Јас уште возам, уште читам и одлично функционирам и кога забележав дека надалеку не гледав добро, почнав да се распрашувам за интервенција за корекција на видот. Бев претходно на друго место и ми објаснија дека ќе ми вградат леќа со која ќе гледам од 6 метри па натака, a помалку од тоа не. И јас прашав: ‘A за блиску тогаш како ќе гледам?’ И ми рекоја: ‘Со очила за блиску’. И не сакав!  Сакав да гледам без очила, затоа и сакав да вградам леќи со кои ќе го решам проблемот со видот, а не само едно растојание. Се јавив во друга болница – пo телефон ми објаснија колку е цената, дека оди по нарачка, но се исплашив бидејќи не ми беа сигурни. Се јавив во ‘Систина Офталмологија’ и сакав да разговарам со стручно лице и ме поврзаа со д-р Златко Арнаудовски. Му раскажав за мојот случај и докторот ми рече дека постојат мултифокални леќи со кои би гледала како што сакам, без очила, но ми потенцираше дека мора прво да се направи преглед за да видиме дали сум кандидат бидејќи не секој е кандидат за овие леќи. И мене тоа ми се допадна затоа што не добив празно ветување дека може да го добијам видот кој го сакам и дека според резултатите од прегледот ќе договориме се што треба за интервенција.

Го добив видот кој го сакав – гледам блиску, средина и далеку без помош на очила поради мултифокалните леќи. Можам да читам и да возам без проблем. Среќна сум и задоволна сум од мојата упорност која ме доведе кај вас и видот што го посакував.“

Димитар Кралев (операција витректомија)

Д-р Илир Османи и Димитар Кралев

Димитар Кралев (47 години) имаше крварење во окото кое можеше да се третира само со операција витректомија. Витректомијата е сложена операција со која се санира крварењето за да се овозможи зачувување на преостанатиот вид. Оваа операција е покриена од Фондот за здравство.

„Имав крварење поради кое видот ми се влоши и бев доста исплашен за состојбата на левото око. По препорака дојдов во „Систина Офталмологија“ кај д-р Илир Османи на преглед и веднаш закажавме операција. Ова ми беше прва операција во животот и ми беше страв, но ништо не почувствував. Операцијата траеше околу час време и целиот тим беше многу љубезен и внимателен со мене. На првата контрола по операцијата, забелеав позитивни промени и докторот ми потврди дека се е во ред! Сега се чувствувам како нов човек и сум презадоволен. Препорака до сите кои што имаат проблем со видот – да се упатат во оваа клиника и навреме да го решат проблемот, за да не биде предоцна.“